LALPA AW I HRIA EM?

            -Muana Khuptong

“Ka beramten ka aw an hria a, kei pawh in anmahni ka hria a, an ni chuan min zui ani.” Johana 10: 27

Ringtu Kristian te tan chuan tawngtaina hi thaw (breath) ang a ni a, ringtu tawngtai ngailo chu mithi thaw ngai lo ang ani. Tawngtaina hi thawkna nen a the khin a ni. Thusawitu tamtak in an sawi tawh thin ang in Christianity chu sahkhua (Religion) ang ani ve lo va, Pathian nen a inzawmna (Relationship) a ni. Pathian ringtu Krista a piantharna nei tak tak tawh tan chuan Kristian nih chu Lal Isua nen inzawm a, Thlarauthianghlim nen a len dun ani. Chuvang in ringtu te chuan khawvel mi te lak ah hian danglam bikna (uniqueness) kan nei tlat a ni. Kan Kristiana ah chuan Pathian nen a inbiak pawhna tha tak a om a, Sahkhua dang ah chuan an pathian tenen an inbe pop lo ani. Ringtu te erawh chuan a thu chhiar tur Bible kan nei a, Pathian inpuanna ropui tak Bible chang hmang te hian kan kawng te hi min kawh hmuh thin a, min pawl thian, kan Pathian thu hi a van ropui take m!

Pathian aw I hre tawh em? Pathian chuan a fa te hi engkim ah min hruai a duh a, thutlukna a te emaw a lian emaw pawh nise, kan nun ah hian Pathian chu a in rawlh duh ani. Pathian chuan fim taka ngaih tuah theihna te, ngaihtuah na thutlukna siam thiamna te min pek a duh thin. Jacoba 1:5 ah chuan mi in finna a tlakchham chuan ui lo leh phal tak a pe thin tu Pathian hnenah dil rawh se, ati a ni. Kawng min kawh hmuh a duh a, kan nitin eizawnna ah te kan hna thawhna ah te Pathian hi inrawlh a duh a ni. Peter ate pawh zankhua a len deng a sangha an man loh khan Lal Isua chu an hnenah va inlar in, an hlawhtlin na tur in kawng (direction) a va kawh hmuh ani.

Vawin ni ah hian tawngtaina hi ringtu te tan chuan a va poimawh take em! Pathian in amah ringtu te tawngtaina chu a hre thin a, a ngaih thlaksak thin a ni. Mi thenkhat te chuan tawngtai an thlahthlam em em a, Pathian thu Bible chhiar te an thlahdah thin. Inkhawm dawn hian thildang chhuanlam an zawng thin. Bible chhiar dawn apiang in thil ngaihnawm dang chhiar tur leh en tur an nei zawk thin. Pathian ringlo mi chuan tawngtai leh Bible chhiar te hi eng ah mah an ngai lova, midang tutee maw tih bik torah an ngai a ang thin. Pathian aw hriatdan diktak chu Bible chhiar tam hi ani a, a tul chuan thin lungah pawh a hring a hran in thu a rawn sawi bok thin. Chutianga tawngtai ngailo leh a thu pawh chhiar ngailo te pawh an mangan tawp khawkah chuan an tawngtai ve bok a, a chhanna an hmuh nghal loh chuan an thin a la rim zui, hei chu a dik lo ani. Kan Bible a kan hmuh ang in, Lal Isua chuan “ka beram te ka aw an hria a, kei pawn an aw ka hria a, min zui thin” a ti si a.

Vawin ni ah hian rilru leh tihtak zeta Pathian thu ngaithla thin, Bible chhiar thin leh tawngtai thin leh inkhawm thin I nih chuan manganna leh lungngaihna leh harsatna ten a tlak buak hunah che chuan Pathian au la, I aw a hre kar mai dawn a ni. Thuhriltu mipakhat chuan ‘I tawngtai ngun viau chuan, I tawngtai rual in I aw hi Lalpan a lo hre dawn che a ni I aw Lalpan a lo chhinchhiah dawn a ni” ati a, adik viau in ka hria. Chuvang chuan Pathian malsawmna diktak hmuh kan duh chuan Biakin ah ka zawng tur ani. Biakin ah hian thlarau mai bakah tisa damna malsawmna a awm ani. Inkhawm ngun a, Pathian thu ngaithla tam a, Bible chhiar tam a, tawngtai tam na na na tumah khawvel tak pawh in mawl tak an om ngai lo. Pathian chuan a beram te aw a lo hre tlat a lawm. Thuthlunghlui hun lai pawh khan Pathian malsawmna chu biakbuk (tabernacle) chhung atang in a ni thin. In khawm tlut tlut pawh ani lo, mi thenkhat chuan an ti thin mahse inkhawm ai a pathian biakna thazawk a thlakna tur substitute a om chuang lo. Chuvang chuan Pathian aw hriat kan duh chuan Bible kan chhiar tam angai a ni. Kan ni tin khawsakna tur pawh Bible ah chuan a chhanna a awm a ni. Pathian kan biak duh chuan tawngtai tam angai bok ani. Kan tawngtai a, Pathian kan bia a, ama min biakna Bible pawh kan chhiar peih tur a ni. Lal Isua beram te chu kan ‘Aw’ atang pawh in Lalpan min hria a, kei ni pawh in Lalpa ‘Aw’ kan hriat ve a tul ani.