FELNA LEH RORELNA DIK
(Justice
and righteousness)
-
KL Muana Khuptong
“Nimahsela rorelna dik chu lui ang in luang sela, felna chu luipui kang
ngailo ang in luang rawh se.” Amosa 5:24
He chang hi zawlnei Amosa an Israel fate zinga a sawi a ni.
Pathian in diklo taka rorelna leh sahkhuana lem a huat zia a rawn sawi na ani.
Amosa hun lai hian Israel
fate chu kawng engkim ah hian an hlawh tling nasa em em a, a vawrtawp (climax)
an thlen lai tak ani bawk. An inkhawmpui te leh an thawhlawm rawn lak khawm te,
an zaipawl te leh an rimawi te hi a ropui in a mawi thei em em ani. Kawng
engkim ah hian an hlawhtling em em ani. Sahkhuana ah leh politics ah pawh an
chak em em lai tak an ropui lai tak ani bawk. Sahkhua rawngbawl tu thanem ngai
tak tak pawh an tam hle a, tin Pathian tan a an biakbuk leh temple sak
te pawh a turu in a ropui bawk ani. Mipui te pawh an thlamuang tlang hle ani.
Amaherawhchu chutiang a ropui taka an awm lai chuan Pathian
in zawlnei Amosa a rawn tir a, an thil tih te kha a ron hnar (reject) tlat mai
ani. Pathian tana thahnem an ngaih the lul nen, Pathian in ‘in inkhawmpui
urhsun tak tak te, in thawhhlawm te, in rimawi te ka hne’ a ti tlat mai ani. (Amosa 5:21-23) Khatianga Pathian tana
thahnem an ngaih em em lai a Pathian in a pawm loh na chhan chu an rilru ah
hian takna leh dikna a awm loh vang ani. Amosa hun lai leh kan tun lai Mizoram Kristiana nun hi a
danglam vak bik a rinawm loh ani. Politics ah leh sahkhuana ah hian takna leh
dikna a tlem tawh hle ani.
Hmanlai Israel fa te pawn an rorelna ah Pathian duh dan kalh
zawng in mirethei leh pa chhia te leh chanhai zawk hnualsuat in ro an rel a,
sahkhua mi ho lah chuan takana an nei lo a, a der in Pathian rawng an bawl a,
chhung ril lam ah hian takna awm si lo in pawn lan mawina chauhvin rawng an bawl
ani. Kan sorkar leh politics kalphung reng
reng han en chiang ila dikna hi a tlem tawh hle a, kan Christian nun han en ila takna hi a tlem
em em bawk ani. Thufing 14: 34 ah chuan, “Felna in hnam a chawimawi a, sualna
erawh chu hnam tin tan hmingchhiatna ani” ati ani. Christian nilo ram tam tak
Bible principle nena inmila kal phung dan leh thupek (law and order) kalpui te
hian Pathian malsawmna an dawng nasa em em ani.
Tunlai thangthar te hi kan
ram leh hman tan leh Krista tan a future kan
ni. Rorelna dik leh felna kan ram a a awm
theih nan mitin kan
poimawh vek ani. Dikna leh felna a om theih na tur chuan nang leh kei in tun
atanga Pathian thu nen a inmil a kan
kal a hun tawh tak zet ani. Chhungril nun takna kan
neih loh chuan kan
rawngbawl na pawh hi a thlawn mai ah a lo chang thei ani. Chuvangin a ram leh a
felna I zawng hmasa ang u!
No comments:
Post a Comment